Үйлчилгээний нөхцөл
Нэг талаас “Хишиг халиун арвижих” ХХК, РД: 7040009 /цаашид үйлчилгээ үзүүлэгч гэх/, нөгөө талаас “Харилцагч” гэх байгууллага нь Монгол Улсын Иргэний хууль болон холбогдох бусад хууль тогтоомжийн дагуу дараах нөхцөлтэйгээр энэхүү гэрээг байгуулж байна.
Нэг. Нийтлэг үндэслэл
1.1. Энэхүү гэрээ нь үйлчилгээ үзүүлэгч нь өөрийн “Ийси Фаянд” гар утасны аппликейшнаар дамжуулан харилцагч байгууллагын бизнесийн үйл ажиллагааг хэрэглэгчдэд сурталчлан таниулах, үйл ажиллагааны чиглэл, хаяг байршил, цагийн хуваарь зэрэг мэдээллийг хүргэх, хэрэглэгчдийг түргэн шуурхай үйлчилгээ авах боломжоор хангаж цаг захиалах ажлыг зохион байгуулах зэрэг үйлчилгээгээр хооронд нь холбохтой холбогдсон харилцааг зохицуулна.
1.2. Харилцагч нь энэхүү гэрээний нөхцөлтэй танилцаж зөвшөөрснөөр үйлчилгээний нөхцөл нь хүчин төгөлдөр мөрдөгдөж эхэлнэ.
1.3. Энэхүү гэрээ нь онлайнаар хийгддэг цахим гэрээ бөгөөд “Ийси Фаянд” аппликейшн болон вэб орчноор дамжуулан гэрээний нөхцөлийг зөвшөөрсөнөөр хүчин төгөлдөр болно.
1.4. Харилцагч тал энэхүү гэрээний нөхцөлийг зөвшөөрснөөр “Хишиг халиун арвижих” ХХК-ийн үзүүлж буй аппликейшн үйлчилгээ, платформын бүх боломжийг ашиглах эрхтэй болно.
Хоёр. Харилцагчийн эрх, үүрэг
2.1. Харилцагч байгууллага нь Аппликейшнд өөрийн бүтээгдэхүүн, үйлчилгээ, хаяг байршил, цагийн хуваарь, зураг зэрэг мэдээллийг үнэн бодитоор бөглөж байршуулах үүрэгтэй.
2.2. Харилцагч байгууллага нь ажил үйлчилгээтэй холбоотойгоор хэрэглэгчдээс гаргасан санал хүсэлтэд хариу өгөх үүрэгтэй.
2.3. Аппликейшнаар дамжуулан цаг авч үйлчлүүлж буй хэрэглэгчдэд үнэн зөв мэдээлэл хүргэж, цаг тухай бүрт нь үйлчлэх үүрэгтэй.
2.4. Харилцагч нь аппликейшнаас хэрэглэгчийн талаарх мэдээллийг зөвхөн үйлчилгээ үзүүлэх зорилгоор авах эрхтэй бөгөөд уг мэдээллийг бусдад задруулахгүй байх үүрэгтэй.
2.5. Харилцагч нь үзүүлж буй үйлчилгээний чанар, хэрэглэгчийн сэтгэл ханамжийг бүрэн хариуцна.
2.6. Харилцагч нь шинээр нэвтрүүлж буй бүтээгдэхүүн, үйлчилгээг аппликейшнд нэмэлтээр байршуулах эрхтэй.
2.7. Үйлчилгээ үзүүлэгчтэй харилцан тохиролцож аппликейшнд бүртгэлтэй хэрэглэгчдэд үйл ажиллагааны талаарх мэдээллийг хүргүүлэх эрхтэй.
2.8. Харилцагч нь хямдрал, урамшууллын мэдээллээ үйлчилгээ үзүүлэгчид тухай бүр мэдэгдэж аппликейшнд байршуулж байх үүрэгтэй.
2.9. Үйлчилгээ үзүүлэгчийн санаачилсан урамшууллын хөтөлбөр, хэрэглэгчийг урамшуулах ажилд хамтран оролцоно.
Гурав. Үйлчилгээ үзүүлэгчийн эрх, үүрэг
3.1. Харилцагч байгууллагаас бүтээгдэхүүн, үйлчилгээний талаарх мэдээллийг үнэн зөв гаргаж өгөхийг шаардах эрхтэй.
3.2. Харилцагч байгууллагаас үйлчилгээний төлбөрийг гэрээний дагуу шаардан авах эрхтэй.
3.3. Хэрэглэгчийн мэдээллийг гуравдагч этгээдэд задруулахгүй байхыг харилцагч байгууллагаас шаардах эрхтэй.
3.4. Харилцагчийн үйл ажиллагааг өөрийн аппликейшнаар дамжуулан сурталчлах, холбох ажлыг зохион байгуулах.
3.5. Харилцагчийн хүсэлтээр үйл ажиллагааны талаарх мэдээллийг аппликейшнд бүртгэлтэй хэрэглэгчдэд хүргэх ажлыг зохион байгуулах.
Дөрөв. Төлбөр тооцооны нөхцөл
4.1. Аппликейшнд үйлчилгээ байршуулсны төлбөр, гэрээний хугацаанд үзүүлсэн үйлчилгээний хураамжийг талууд харилцан тохиролцоно.
4.2. Төлбөрийн хэмжээ, нөхцөл, хугацааг нэмэлт гэрээгээр тохиролцоно.
4.3. Харилцагч нь гэрээний төлбөрийг тогтоосон хугацаанд төлөөгүй тохиолдолд хугацаа хэтэрсэн хоног тутамд гэрээний үнийн дүнгийн 0.5 хувьтай тэнцэх хэмжээний алданги төлнө.
Тав. Нууцлал ба аюулгүй байдал
5.1. Талууд энэхүү гэрээ болон нэмэлт гэрээний нөхцөл, төлбөр тооцооны нууцлалыг хангаж, гуравдагч этгээдэд задруулахгүй байх үүрэгтэй.
5.2. Талууд хэрэглэгчийн мэдээллийг хуулийн дагуу боловсруулж ашиглах бөгөөд бусдад задруулахгүй байх үүрэгтэй.
Зургаа. Хариуцлага
6.1. Харилцагч нь аппликейшнд байршуулсан ажил үйлчилгээний чанарыг бүрэн хариуцна.
6.2. Талууд гэрээний дагуу гарсан аливаа зөрчлийг засах, хохирлыг нөхөн төлөх үүрэгтэй.
Долоо. Гэрээний хугацаа
7.1. Гэрээ нь байгуулагдсан өдрөөс хүчин төгөлдөр болно.
7.2. Талууд харилцан тохиролцож гэрээний хугацааг сунгаж болно.
Найм. Маргаан шийдвэрлэх
8.1. Аппликейшнтай холбоотой санал, гомдлыг талууд харилцан тохиролцож эвийн журмаар шийдвэрлэхийг эрмэлзэнэ.
8.2. Эвийн журмаар шийдэж чадаагүй тохиолдолд Монгол Улсын хууль тогтоомжийн дагуу Иргэний хэргийн шүүхээр шийдвэрлүүлнэ.
Ес. Цахим гэрээний хүчин төгөлдөр байдал
9.1. Энэхүү гэрээ нь “Ийси Фаянд” аппликейшн болон цахим орчноор хийгдэх бөгөөд харилцагч гэрээний нөхцлийг “ЗӨВШӨӨРӨХ” товчийг дарж баталгаажуулснаар хүчин төгөлдөр болно.
9.2. Цахим хэлбэрээр хийгдсэн энэхүү гэрээ нь бичгээр байгуулагдсан гэрээтэй адил хүчин төгөлдөр үйлчилнэ.
9.3. Харилцагч энэхүү гэрээг зөвшөөрснөөр үйлчилгээ үзүүлэгчийн аппликейшн, платформын бүх боломж, үйлчилгээ, функцыг ашиглах эрхтэй болно.
